(Բանավիճական նյութ)
Նյութն առանձնացրել եմ,քանի որ Հարությունը նոր
աչքով է նայում Ռեֆորմացիային,ավելի քննական,բայց ոչ քննադատական և ավելի լուրջ:
Վերջին տողերը մղում են ինձ նորանոր հետազոտությունների և փնտրտուքների՝ Մարտին
Լյութերի և իր միտումների վերաբերյալ,բայց այնուամենայնիվ վստահ եմ նրա արդար
լինելուն: Նյութի վերջին տողերը. (Կան տարբեր կարծիքներ Մարտին Լյութերի իրական ցանկությունների մասին: կա
կարծիք, որ նա մարդկանց մահն է ցանկացել, այդ պատճառով էլ սկսել է
Բողոքականությամբ զբաղվել: կան նաեւ մարդիկ, ովքեր հավատում են այն բանին, թե նա
չի ցանկացել անմեղ մարդկանց մահը):
Հարգելի ընթերցող,այս գրառումովս
ցանկանում եմ կարծիք հայտնել Աշակերտական Գիտական ընկերության վերաբերյալ,որը՝ Աշոտ
Տիգրանյանի,Հարություն Ղազարյանի և Հարություն Ասարյանի կողմից ներկայացվել էր Հունվարյան
Գիտագործական հավաքի դեկտեմբեր տասվեցյան կլոր սեղան-սեմինարին: Սեմինարից ոգեշնչվելով
որոշեցի կարդալ բոլոր տասներկու նյութերը, և ինչո՞ւ ոչ,արտահայտել կարծիքս: Հատկապես անդրադառնելու
եմ ինձ ամենաշատը հետաքրքրած նյութերին:
Նյութ համար I- «Մարդը ծնվել է բուսակեր»,
Անտուան Մելքոնյան (10-րդ դասարան)
Կարծիք.
Խրախուսելի է այն,որ սովորողը մտածում
է այլընտրանքային և չի սահմանափակվում իր գրքային գիտելիքներով: Այս նյութը ինձ օգնեց
հասկանալ, որ Աշակերտական Գիտական ընկերությունը հարմարավետ հարթակ է՝ մտքերդ կազմավորելու
և համացանցում տեղադրելու համար,առանց ընթերցողի պակասի: Նյութում կար մի հատված,որի
հետ ես համաձայն չեմ. Եկեք մի պահ գնանք շա՜տ
հետ, այն ժամանակները,երբ մարդ դեռ կրակ չուներ և միայն բույս էր ուտում: Կարդացողը
կարող է հետևություն անել,որը մարդը միս չի կերել այն պատճառով, թե չի ունեցել կրակ՝
եփելու կամ խորովելու հնարավորություն: Ես գիտեմ, որ մինչ կրակը մարդը ունեցել է միս
ուտելու հնարավորություն,կերել է միս,բայց հում,
այդ պատճառով էլ որոշ ժամանակահատված մարդկանց կյանքի տևողությունը շատ կարճ է եղել:
Հում միսը առաջացրել է շատ ու շատ հիվանդություններ, և ժամանակ առ ժամանակ հանգեցրել
մահի:
Նյութ համար IV- «Աբրահամ Լինքոլնի
սպանության վարկածները», Գոհար Հովհաննիսյան (10-րդ դասարան)
Այս նյութին անդրադառնում եմ,քանի
որ հետաքրքրված եմ Ա.Մ.Ն. պատմությամբ,նախագահներով և առհասարակ՝ Ա. Լինքոլնով, դասելով
նրան հումանիզմի էտալոնների շարքին: Նյութն ինձ համար գտածո էր,քանի որ մանրակրկտորեն
բացատրված էր ամեն դետալ և ամեն վարկած,բացի այդ, կար հարցին գրագետ մոտեցում և հետաքրքիր
ձևակերպում: Մոտեցումը գրագետ էր,քանի որ կար վերլուծություն՝ Լինքոլնի ծանր մանկության
և իր ապագա ազատամտական գործողությունների վերաբերյալ: Ֆենոմենը կայանում է նրանում,
որ մարդիկ իրենց մանկության տարիներին ստիպողաբար աշխատելուց հետո փորձում են վրեժ
լուծել, և իրենց հետագա կյանքը անցկացնում են չարությամբ լցված,բայց Լինքոլնը լրիվ
հակառակի օրինակ էր,հաջողված օրինակ:
Նյութ համար XI- «Մարտին Լյութեր.
Սո՞ւրբ, թե մարդասպան»
Մեզանից շատերն են լսել Մարտին Լյութերի
և իր 95 թեզիսների մասին,որոնք ցնցեցին աշխարհը և պատճառ դառան Քրիստոնեության նոր
ճյուղի առաջացմանը՝ Պրոտեստանտիզմին կամ Բողոքականությանը:
Ինձ դուր է գալիս Մարտին Լյութերը.
առանձ իր 95 Թեզիսների և նոր՝ Բողոքական գաղափարախոսությանը, աշխարհով սփռված Քրիստոնեությունը
շատ կշեղվեր իր Աստվածաշնչյան արժեքներից:
Նյութն առանձնացրել եմ,քանի որ Հարությունը նոր
աչքով է նայում Ռեֆորմացիային,ավելի քննական,բայց ոչ քննադատական և ավելի լուրջ:
Վերջին տողերը մղում են ինձ նորանոր հետազոտությունների և փնտրտուքների՝ Մարտին
Լյութերի և իր միտումների վերաբերյալ,բայց այնուամենայնիվ վստահ եմ նրա արդար
լինելուն: Նյութի վերջին տողերը. (Կան տարբեր կարծիքներ Մարտին Լյութերի իրական ցանկությունների մասին: կա
կարծիք, որ նա մարդկանց մահն է ցանկացել, այդ պատճառով էլ սկսել է
Բողոքականությամբ զբաղվել: կան նաեւ մարդիկ, ովքեր հավատում են այն բանին, թե նա
չի ցանկացել անմեղ մարդկանց մահը):
Կարծիք-վերլուծությունս Աշակերտական
Գիտական ընկերության վերաբերյալ ավարտեմ նրանով,որ տվյալ բլոգային դաշտը նպաստում է
սովորողի և անհատի ինքնազարգացմանը՝ տրամադրելով ազատ հարթակ՝ ներկայացնելու նախընտրածդ
գիտական վերլուծություններն ու ուսումնասիրությունները, նպաստելով այլընտանքային կրթության
զարգացմանը,քանի որ տվյալ նյութերը անկասկած կարող ենք համարվել ուսումնական, և ներառվել
մեր այլընտանքային կրթության մեջ:
Դե ինչ,ժամանակ չկորցնեմ և անցնեմ
սեփական հետազոտական աշխատանքիս՝ հատուկ այս ընկերության համար:
Комментариев нет:
Отправить комментарий